Aksiyadorlik jamiyatlari tomonidan axborotning oshkor etilishi borasida qo‘yilgan talablar soddalashtiriladi
Senatning yalpi majlisida “O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi Qonun ma’qullandi.
Qonunga ko‘ra, aksiyadorlarning dividendlar to‘lanishiga doir huquqlari mustahkamlanib, aksiyadorlik jamiyatlari xodimlariga aksiyalarni sotib olish uchun imtiyozli huquq beriladi.
Aksiyadorlik jamiyatlarida veb-saytlar mavjud bo‘lishining majburiyligi to‘g‘risidagi va ular tomonidan axborotning oshkor etilishi borasida qo‘yilgan talablar soddalashtiriladi.
Shuningdek, lotereyalar va tavakkalchilikka asoslangan boshqa o‘yinlarni o‘tkazish tartibi aniqlashtiriladi.
Fond birjalarining faoliyatini tartibga solish Istiqbolli loyihalar milliy agentligining zimmasiga yuklatilmoqda.
