«Muhabbat yosh tanlamaydi», deyishadi. Ammo butun umr birga yashashga ahdu paymon qiladigan kishingizning hayotiy tajribasi, dunyoqarash istaysizmi-yo`qmi, yoshiga ham bog`liq. Shuning uchun o`zingizga mos yigitni tanlay turib, bu muhim omilni e`tibordan chetda qoldirmang. Bu borada esa mazkur test sizga asqotsa, ajab emas.
1. Ko`ngil qo`yganingiz bilan munosabatlaringiz borasida asosiy maslahatchingiz kim?
A. Onam.
B. Dugonam.
V. Bu masalada faqat o`zimga ishonaman.
2. Sizningcha romantik munosabatlar qancha davom etadi?
A. 4 yil.
B. 1 yil.
V. Agar ikki taraf birdek istasa, butun umr davom etishi mumkin.
3. Ushbu voqealardan qay biri eng romantik va ta`sirchan?
A. Farzandlaringizning dunyoga kelishi.
B. Birinchi uchrashuv.
V. «Oltin to`y»ni nishonlash.
4. Yigitlarning qaysi sifatiga ko`proq e`tibor qaratasiz?
A. Bir so`zliligiga.
B. Kirishimli va quvnoqligiga.
V. Men uchun hayotiy tajriba muhim.
5. Do`stlaringiz nazdida siz...
A. Ishonchli va sadoqatli do`st.
B. Erkin qush.
V. O`z ishini yaxshi biluvchi mutaxassis.
6. Bo`sh vaqtingizni qanday o`tkazasiz?
A. Asosan ota-onam va dugonalarim davrasida.
B. Kino, teatr, turli kechalarga borib turaman.
V. Uyda yaxshi film tomosha qilaman yoki kitob o`qiyman.
7. Erkaklarga nisbatan sira yo`l qo`yilmaydigan munosabat, bu...
A. Tarsaki tushurish.
B. Aniq biror narsa deyish qiyin, bari vaziyatga bog`liq.
V. Nima bo`lganda ham nafsoniyatga teguvchi so`zlar bilan xaqoratlash noto`g`ri.
8. Qaysi filmdagi bosh qahramonga o`xshashni istaysiz?
A. «Ishdagi ishq».
B. «Ali bobo va qirq qaroqchi».
V. «Qalbim chechagi».
Natijalar
A javob ko`p bo`lsa: siz oila qurishga jiddiy yondashuvchi kishilardansiz. Javoblaringizdan ushbu muhim qadamni qo`yishga ham ruhan, ham ma`nan tayyor ekanligingizni bilib olish mushkul emas. Ammo biror jiddiy masalada qaror qabul qilishda atrofingizdagilar, ota-onangiz, dugonalaringizning fikrlarini ham inobatga olasiz. Shuning uchun siz o`zingizdan 5-8 yosh katta yigit bilan oila qursangiz, tinch-totuv yashashingiz ehtimoli yuqori.
B javobi ustunlik qilsa: jiddiy munosabatlar haqida o`ylashga biroz ertaroq. Axir oila qurish inson hayotidagi eng katta hodisalardan biri. Shuning uchun chuqur o`ylab, so`ngra qaror qabul qilishingizni maslahat beramiz. Aslida siz o`zingiz va undan nimalarni istashingizni aniqlab oling. Hozirda juftingizni izlash bosqichidasiz. Agar tanlagan insoningiz bilan tengdosh bo`lsangiz, oilada o`zaro raqobat muhiti shakllanishiga tayyor turing.
V javob ko`p bo`lsa: siz uchun yoshning ahamiyati yo`q. O`zingizdan 2-3 yosh katta yigit bilan sevgi va sadoqatga asoslangan oila barpo etishingiz ehtimoli yuqori. Insonlarning tashqi ko`rinishidan ko`ra ichki olami, sadoqatliligini muhim deb hisoblaysiz. O`zingizga juft tanlashga jiddiy kirishganingiz bois, boshqalarga ham shunday talab qo`yasiz. Yoningizda suyangan tog`ingiz borligini his etish siz uchun katta baxt.
KAMOLA tayyorladi.
26.09.2021, 17:45
O`zbekistonning qaysi hududida oilalar soni ko`p? Davlat statistika qo`mitasi ma`lumot berdi. Unga ko`ra, 2021 yilning 1 yanvar holatiga O`zbekiston Respublikasida jami 8 871 412 ta oila...23.08.2021, 16:08
Qishning qirovli kunlaridan eson-omon chiqib olgan Komiljon ota kenja farzandi Murodni (ism-shariflar o`zgartirilgan) uylash maqsadida to`y tayyorgarliklarini boshlab yubordi. Uzoq izlanishlardan so`ng qiz ham topildi. Biroq unashtiruv...01.06.2021, 18:32
So`nggi vaqtlarda ijtimoiy tarmoqlarda xotin-qizlarning tahqirlanishi, ayovsiz kaltaklanish holatlari aks etgan xabar va voqealar haqidagi chiqishlar keskin ortib ketdi. Ammo bu kabi vaziyatlar kechagina sodir...27.05.2021, 16:56
AOKAda “Mahalla va oila” ilmiy-tadqiqot instituti rahbarlari ishtirokida matbuot anjumani bo`lib o`tdi.Anjumanda “O`zbekiston Respublikasida oila institutini 2030 yilgacha yanada mustahkamlash konsepsiyasi” mazmun-mohiyati va ahamiyati haqida...