1 aprel kuni Toshkent viloyatida Howo, Zil, Cobalt va Nexia rusumli avtomobillar o‘rtasida yo‘l-transport hodisasi yuz berdi.
Bu haqda xabar bergan viloyat YHXB axborot xizmatiga ko‘ra, hodisa soat taxminan 08:00 larda Toshkent viloyati Ohangaron tumani hududidan o‘tgan A373 Toshkent-O‘sh avtomobil yo‘lining 34-kilometrida sodir bo‘lgan.
4 ta transport vositasi – Howo va Zil yuk avtomobillari hamda Cobalt va Nexia rusumli yengil avtomobillar ishtirokida yo‘l-transport hodisasi sodir bo‘lgan.
Natijada harakat ishtirokchilari sog‘lig‘iga ziyon yetmagan. Transport vositalari texnik shikastlangan.
Hozirda holat yuzasidan Ohangaron tumani IIB YHXB tomonidan surishtiruv ishlari olib borilmoqda.
