Bugun, 27 aprel kuni Buxoro davlat texnika universiteti yangi qurilgan yotoqxonasining birinchi qavatida yashab turgan 1-kurs talabasi o‘zini osib, joniga qasd qildi.
Bosh prokuratura matbuot kotibi Hayot Shamsutdinovning darakchi.uz'ga ma’lum qilishicha, marhum 2005 yilda Navoiy viloyatida tug‘ilgan A.Sh. (erkak) ekanini ma’lum qildi. Uning aytishicha, talaba bugun ertalab soat 07:23 larda joniga qasd qilgan.
Marhum o‘zidan xat qoldirib ketgan bo‘lib, unda hech kimni o‘z o‘limida ayblamaslikni so‘ragan va ota-onasidan kechirim so‘ragan.
Hozirda prokuratura organlari tomonidan surishtiruv ishlari olib borilmoqda.
