Toshkentdagi temiryo‘lda “selfi”ga tushmoqchi bo‘lgan 2 nafar bolani tok urdi. Bu haqda "Millar" dasturi xabar qildi.
Ma’lum qilinishicha, mazkur holat Yunusobod tumani “Jome” bozori yaqinidagi “Chuqursoy” temiryo‘l stansiyasida ro‘y bergan.
Keltirilgan ma’lumotlarga ko‘ra, yerdan 1 m balandlikka ko‘tarilgan bola katta kuchlanishdagi tok sabab kuygandan keyin vagon chetidagi zinaga osilib qolgan.
Bolalarga birinchi yordam ko‘rsatilib, respublika shoshilinch tibbiy yordam bo‘limining Kombutsiologiya bo‘limiga olib kelingan.
“Bemorlar 12 va 13 yoshda bo‘lgan. Birining ahvoli qoniqarli bo‘lganligi uchun uyga javob berildi. Lekin yana bir bemorda og‘irlik darajasi bosh, yuz, qo‘l va oyoqlarida kuyish jarohati bor, ya’ni 50 foiz kuyish jarohatini olgan. O‘tkazilgan davo muolajalaridan so‘ng umumiy ahvoli yaxshilandi”,- deydi shifokor.
