Mirobod tumanida joylashgan qurilish kompaniyasi ofis menejeri hamda makler sifatida ishlovchi fuqaro, 50 sotix yer maydonini 4 million AQSh dollariga tadbirkorga sotishga kelishgan.
Ular yer ularga tegishli bo‘lmasa-da, hujjatlarni rasmiylashtirib berish, yer toifasini o‘zgartirish va kottej qurilishi uchun ruxsat olishni va’da qilgan.
Davlat xavfsizlik xizmati va Iqtisodiy jinoyatlarga qarshi kurashish departamenti tomonidan o‘tkazilgan tezkor tadbirda ular 200 ming dollar olayotganda ushlandi.
Holat yuzasidan Jinoyat kodeksining 168-moddasi 4-qismi va 28,211-moddasi 3-qismi bilan jinoyat ishi qo‘zg‘atilib, gumondorlarga nisbatan qamoq ehtiyot chorasi qo‘llandi.
