Farg‘ona viloyati Rishton tumanida kadastr bo‘limi bosh inspektori fuqaroning noqonuniy qurilishiga jarima solinmasligi va yer maydonini rasmiylashtirib berish evaziga 400 dollar talab qilgani ma’lum bo‘ldi. DXX va boshqa idoralar o‘tkazgan tezkor tadbirda u so‘ralgan pulni xizmat binosi oldida olayotgan vaqtida ushlandi.
Yana bir holatda, 2025 yil oktyabr oyida “Farg‘ona suv qurilish invest” davlat muassasasi binosini 850 mln so‘mga ta’mirlash bo‘yicha tenderda g‘olib chiqqan xususiy korxona rahbaridan ta’mirlashni boshlash uchun ruxsat evaziga 5 500 dollar talab qilingani aniqlandi. Tezkor tadbir chog‘ida mas’ullar 5 ming dollar olayotganida qo‘lga olingan.
Mazkur holatlar yuzasidan Jinoyat kodeksining tegishli moddalari bilan ishlar qo‘zgatilib, tergov davom etmoqda.
