Kecha, 10 dekabr kuni Birlashgan Arab Amirliklarining Dubay shahrida boks bo‘yicha kattalar o‘rtasidagi IBA Jahon chempionatining chorak final janglari yakunlandi. O‘zbekiston terma jamoasining 9 nafar a’zosi yarim final yo‘llanmasini qo‘lga kiritdi.
IBA Jahon chempionatining chorak final bahslarida 11 nafar o‘zbekistonlik bokschi ringga ko‘tarildi. Ulardan 2 nafari o‘z bahslarida mag‘lubiyatga uchrab, musobaqani ushbu bosqichda yakunladi. 9 nafar O‘zbekiston terma jamoasi a’zosi esa g‘alaba qozonib, yarim finalga yo‘l oldi.
Yarim final janglari bugun, 11 dekabr kuni bo‘lib o‘tadi.
Yarim final juftliklar quyidagicha:
-54 kg: Asilbek Jalilov - Viacheslav Rogozin (Rossiya);
-60 kg: Abdumalik Xalokov - Artur Bazeyan (Armaniston);
-67 kg: Asadxo‘ja Mo‘ydinxo‘jayev - Aleksandru Paraschiv (Moldova);
-75 kg: Fazliddin Erkinboyev - Sabirjan Akkalikov (Qozog‘iston);
+92 kg: Arman Maxanov - Davit Chaloyan (Armaniston);
-51 kg: Hasanboy Do‘smatov - Rudolf Garboyan (Armaniston);
-57 kg: Xo‘janazar Nortojiyev - Xusravxon Rahimov (Tojikiston);
-80 kg: Javohir Ummataliyev - Arlen Lopes Kardona (Kuba);
-92 kg: To‘rabek Habibullayev - Alfonso Dominges (Ozarbayjon).
