Mo‘g‘ulistonda "dzd" deb nomlangan o‘ta sovuq qish yanvar oyida mamlakatning g‘arbiy va Markaziy O‘rxonoy viloyatida 26 300 dan ortiq chorva mollarini nobud qildi. Bu haqda "Central Asia" xabar berdi.
Mamlakat Milliy statistika boshqarmasining 12 fevraldagi ma’lumotiga ko‘ra, Mo‘g‘ulistonning 21 viloyatidan kamida 11 tasi "dzd"ning oqibatlaridan jabr ko‘rgan.
Chorvachilik Mo‘g‘uliston iqtisodiyotining asosiy ustunlaridan biri bo‘lib, mamlakat ko‘chmanchi aholisining qariyb 40 foizi shu sohaga bog‘liq. Shunga qaramay, qattiq va uzoq qish tufayli har yili ko‘plab chorva mollari yo‘qotiladi.
Milliy statistika boshqarmasi ma’lumotiga ko‘ra, 2025 yil oxiriga kelib, Mo‘g‘ulistonda 58,1 million chorva mollari ro‘yxatga olingan.
Eslatib o‘tamiz, shu kunlarda mintaqadagi boshqa davlatlarda ham ekstremal ob-havo oqibatlari sezilmoqda: avvalroq Afg‘onistonda kuchli qor bo‘ronlari kamida 61 kishi halok bo‘lishi va 110 kishi jarohat olishiga olib kelgani xabar qilingan edi.
