Sevimli

​Almatida 11 yoshli bolani o`gay onasi o`ldirdi

Dunyo 23.01.2017, 11:56
Teglar: Fojia, Ona, Bola, Ona va bola, Qozog`iston
​Almatida 11 yoshli bolani o`gay onasi o`ldirdi

Qozog`istonning Almati shahrida yashovchi, 6-sinf o`quvchisi Orken Azamat o`g`li 19 yanvar kuni bedarak yo`qolgan edi, 22 yanvar kuni Nauruzbay tumanidagi dala hovlilardan birining erto`lasidan uning ko`milgan jasadi topildi, deb xabar beradi “Tengrinews.kz” nashri.

Qotillar uni bo`g`gandan keyin tanasiga bir necha marotaba pichoq urishgan va jasadni dala hovlilardagi uylardan birining erto`lasiga ko`mishgan.

Almati ichki ishlar departamenti mabuot xizmatining bergan xabariga ko`ra, mazkur qotillikni bolaning 1980 yilda tug`ilgan o`gay onasi va uning to`rt nafar hamtovog`i amalga oshirgan. Ularning orasida ayolning birinchi nikohidan bo`lgan o`g`li va qizi ham bor. Ayol mazkur qotillikni bolaning otasi bo`lgan turmush o`rtog`idan qasd olish maqsadida amalga oshirgan.

Jinoyatni rejalashtirgan ayol avval Shimkent shahrida yashovchi, 1995 yilda tug`ilgan o`g`lini chaqirgan. O`g`li o`z do`sti bilan kelgan. Ayol agar ular bolani o`g`irlashsa, 100 ming tenge berishga va`da bergan. Shundan keyin ayolning 1997 yilda tug`ilgan qizi, o`g`li va uning do`sti bir necha kun mobaynida bolani poylashgan va 19 yanvar kuni o`g`irlab ketishgan.

Bekatda turgan bola oldiga kelib to`xtagan avtomshana ichidagi o`gay aka va opasini ko`rib, hech nimadan xavfsiramay mashinaga o`tirgan. Avtomashina haydovchisining ham qotillikdan xabari bo`lgan. Ular to`rt kishi bo`lib, bolani o`g`irlab, ayol oldindan tayyorlab, ijaraga olib qo`ygan Nauruzbay tumanidagi dala hovlilardan biriga olib borishgan. Ular avvaliga bolani bo`g`ib, keyin etti marotaba pichoq sanchishgan va jasadni uy erto`lasiga ko`mishgan.

Bolaning buvisi uning yo`qolganligi to`g`risida ariza yozdi. Ayolning o`g`li do`sti bilan Shimkent shahriga ketayotganda qo`lga olindi. Bola shu paytgacha buvisi bilan yashagan. Keksa ayolning so`zlariga qaraganda, nevarasi juda aqlli bola bo`lgan, undan beso`roq hech qayoqqa ketmagan. “Kelinim o`g`lim bilan juda ko`p janjallashardi. Ularning nikohidan yana bir qiz nevaram bor.Oxirgi paytlarda u o`g`lim bilan ajrashmoqchi bo`lib yurgandi. Kelinim o`g`limdan qasdini olish maqsadida nevaramni o`ldirgan”, deb tasdiqladi bolaning buvisi.

Ayni paytda jinoyatchilarga nisbatan Qozog`iston respublikasi JK ning 99- 125, ya`ni “Qotillik” va “Odam o`g`irlash” moddalari bo`yicha jinoyat ishi qo`zg`atilgan.

Sharhlar

Qozog`istonda zo`ravonlik bilan qo`rqitib, uyda saqlangan 10 nafar o`zbekistonlik qutqarib olindi

04.08.2022, 10:57

O`zbekiston Bosh konsulligi Olmaotada og`ir ahvolga tushib qolgan vatandoshlarning eson-omon vataniga qaytishiga ko`maklashdi. Bu haqda “Dunyo” AA xabar bermoqda. Ma`lum qilinishicha, O`zbekistonning 3 nafar fuqarosi mehnatdan...
Qozog`istonda Konstitusiyani o`zgartirish bo`yicha referendumning dastlabki natijalari e`lon qilindi

06.06.2022, 11:25

Qozog`iston Respublikasi Konstitusiyasiga o`zgartirish va qo`shimchalar kiritish bo`yicha respublika referendumining dastlabki ma`lumotlarga ko`ra, ovoz berish uchun 8 million 30 ming 739 nafar fuqaro saylov byulletenlarini...
Qozog`iston prezidenti o`lim jazosini bekor qilish to`g`risidagi qonunni imzoladi

30.12.2021, 11:33

Qozog`iston prezidenti Qosim-Jomard To`qaev o`lim jazosini bekor qilish to`g`risidagi qonun hujjatlariga o`zgartish va qo`shimchalar kiritish to`g`risidagi qonunni imzoladi.Bu haqda mamlakat rahbarining matbuot xizmati xabar berdi,...
Qozog`istonda ilk qor yog`di

27.09.2021, 21:35

Qozog`istonning qator hududlarida qor yog`di. Mahalliy OAV bu haqda ma`lum qildi. Birinchi qor Qo`stonay viloyatining ayrim tumanlarida, shuningdek, viloyat markazida qayd etildi, deb xabar beradi mamlakat...