Turmush o`rtog`ingiz bilan qay darajda bir-birngizga mosligingizni tekshirib ko`ring. Quyidagi test sizga yordam beradi.
1. Siz sayohatga turmush o`rtog`ingizsiz chiqa olasizmi?
A. Ha, uning imkoni bo`lmasa, o`zim ketaveraman.
V. U ham, men ham bunday qilolmaymiz.
S. Albatta. Bir-birimizni uzoq ko`rmasak, sevgimiz kuchliroq bo`ladi.
2. Mehmon kelishidan oldin turmush o`rtog`ingiz bilan urishib qoldingiz. Mehmonlar oldida o`zingizni qanday tutasiz?
A. Hech kim hech nimani bilmasligi uchun harakat qilasiz.
V. Ulardan siringizni yashirmaysiz.
S. O`zingizni quvnoq ko`rsatishga harakat qilasiz, lekin eringizga undan xafaligingizni bildirib qo`yasiz.
3. Quyida keltirilgan qaysi maqolni siz o`zingiz uchun mos deb hisoblaysiz?
A. Salomga yarasha alik.
V. Tavakkalning boshi kal.
S. Och qornim - tinch qulog`im.
4. Eringiz televizorning ovozini baqirtirib, tomosha qilyapti. Bunday holatda unga nima deysiz?
A. “Darhol ovozini pasaytiring”.
V. “Quloqchin taqib olsangiz bo`lmaydimi?”
S. “Azizim, kechirasiz, ovozini biroz pasaytirolmaysizmi?”
5. Oilaviy do`stlaringiz bilan restoranda kechki ovqatga yig`ilgandingiz. Eringiz kechga qolyapti. Nima qilardingiz?
A. Uningsevimli taomini buyurtma qilasiz.
V. Qo`ng`iroq qilib, nima bo`lganini so`raysiz.
S. Kelishini sabr bilan kutasiz.
Javoblaringizni hisoblang:
1 2 3 4 5
A 3 3 1 2 1
V 1 2 2 3 3
S 2 1 3 1 2
Ballaringizni hisoblang.
5-8 balgacha:
Sizlarning o`rtangizdagi munosabat jiddiy va samimiy. Lekin bu hammasi joyida, degani emas, orangizda muammolar ham bo`lib turadi. Bir-biringizni tushunish uchun ba`zida bir-biringiz bilan qattiq tortishib qolishga ham to`g`ri keladi.
9-12 balgacha
Siznnig munosabatlaringiz juda ehtirosli, jo`shqin. Janjallashganda hech kim bir-biriga yon berishni istamaydi. Ikkalangiz ham murosa san`atini o`rganishingiz lozim.
13-15 balgacha
Siz ajoyib umr yo`ldoshsiz, bir-biringizga joningizni berishga tayyorsiz. Lekin esingizdan chiqmasin, muhabbat har doim yangilik va kutilmagan o`zgarishlar bilan mazmunli bo`ladi. Shunga ko`ra harakat qiling.
