1. Stomatolog
Tish og`rig`i kutilmaganda bezovta qilmasin desangiz, stomatolog qabuliga boring. Axir tish milklari yallig`lanishi yoki karies pulingiz bor-yo`g`ligini kutib turmaydi.
2. Sug`urta
Avtomashina sug`urtasiga pul ayadingiz: topgan foydangiz ortiqcha muammolar, asabiylashish, ba`zi tushunmovchiliklar xolos. Demak, sug`urta uchun pulni qizg`anmaymiz.
3. Yangi xaridlar
Garderob uchun tejamkorlik zarur bo`lsa-da, ba`zida his-tuyg`ularga erk berish mumkin. Axir alvon rangli yap-yangi tufli hayolingizni o`g`irlasa, sotib olishdan o`zga chorangiz qolmaydi-da. Hamyoningiz bo`shab qolsa-da, xaridingiz yonga qoladi.
4. Ta`mirlash ishlari
Hammomdan suv oqsa, quvurlar «qo`shiq» kuylasa, albatta, ta`mirlatib oling. Aks holda qo`shnining uyiga suv toshirib yoki xonadongiz «Titanik» kabi g`arq bo`lishi mumkin. O`ylab ko`ring, bunday tejamkorilk qimmatga tushadi.
5. Hordiq chiqarish
Hamyonimiz to`lib turishini barchamiz istaymiz. Shuning uchun ham kundalik tashvishlarimizning oxiri yo`q. Shu-u-uncha mehnat qilgandan keyin yozda bir marta bo`lsa ham, dam olishga haqlimisiz, shundaymi?
6. Yangilik o`rganish
Ish joyingizda yuqori pog`onalarga ko`tarilishni istasangiz, albatta, qo`shimcha o`quv kurslariyu treninglarda ishtirok eting. Mutaxassisligingiz bo`yicha kitoblardan pulni ayamang. Bular uchun ozgina pul sarf qilsangiz-da, foydasi ikki barobar ko`p bo`ladi.
