1. Стоматолог
Тиш оғриғи кутилмаганда безовта қилмасин десангиз, стоматолог қабулига боринг. Ахир тиш милклари яллиғланиши ёки кариес пулингиз бор-йўғлигини кутиб турмайди.
2. Суғурта
Автомашина суғуртасига пул аядингиз: топган фойдангиз ортиқча муаммолар, асабийлашиш, баъзи тушунмовчиликлар холос. Демак, суғурта учун пулни қизғанмаймиз.
3. Янги харидлар
Гардероб учун тежамкорлик зарур бўлса-да, баъзида ҳис-туйғуларга эрк бериш мумкин. Ахир алвон рангли яп-янги туфли ҳаёлингизни ўғирласа, сотиб олишдан ўзга чорангиз қолмайди-да. Ҳамёнингиз бўшаб қолса-да, харидингиз ёнга қолади.
4. Таъмирлаш ишлари
Ҳаммомдан сув оқса, қувурлар «қўшиқ» куйласа, албатта, таъмирлатиб олинг. Акс ҳолда қўшнининг уйига сув тошириб ёки хонадонгиз «Титаник» каби ғарқ бўлиши мумкин. Ўйлаб кўринг, бундай тежамкорилк қимматга тушади.
5. Ҳордиқ чиқариш
Ҳамёнимиз тўлиб туришини барчамиз истаймиз. Шунинг учун ҳам кундалик ташвишларимизнинг охири йўқ. Шу-у-унча меҳнат қилгандан кейин ёзда бир марта бўлса ҳам, дам олишга ҳақлимисиз, шундайми?
6. Янгилик ўрганиш
Иш жойингизда юқори поғоналарга кўтарилишни истасангиз, албатта, қўшимча ўқув курсларию тренингларда иштирок этинг. Мутахассислигингиз бўйича китоблардан пулни аяманг. Булар учун озгина пул сарф қилсангиз-да, фойдаси икки баробар кўп бўлади.
