Saudiya Arabistonining El-riyod shahrida arab-islom dunyosi rahbarlari bilan bo`lib o`tgan sammitda Donald Tramp nutq so`zlayotganda, AQSh savdo vaziri uxlab qoldi, deb xabar berdi Ria.ru nashri.
Amerika prezidenti minbarga chiqib, nutq so`zlayotganda kamera ob`ektivlari Donald Trampning qizi Ivankaning yonida, qulog`idan quloqchinni olmay, mudrab o`tirgan AQSh savdo vaziri Rossga qaratildi. Videoda Rossning ko`zlari yumilib, uxlab qolganini ko`rish mumkin.
Tramp shanba kuni Saudiya Arabistoniga o`zining davlat rahbari sifatidagi ilk tashrifini amalga oshirdi. Mazkur sammitda AQSh rahbari arab va musulmon mamlakatlari rahbarlari bilan terrorizmga qarshi kurash masalalarini muhokama qildi.
