AsosiyDunyo

“Peugeot” rahbarining pensiyasi Fransiyaning g`azabini qo`zg`atdi

Iste`foga chiqayotgan “PSA Peugeot Citroen” kompaniyasining bosh direktori Filipp Varin jamoatchilik bildirgan norozilikdan so`ng ishdan bo`shayotganda beriladigan 21 mln evro miqdoridagi puldan voz kechdi, deya xabar beradi “Reuters” agentligi.

"Kompaniyamiz xodimlariga bo`lgan katta hurmatim va o`zim qabul qilishim kerak bo`lgan zarur, ammo qiyin qarorlarning oqibatlari tufayli o`zimning pensiya paketimdan voz kechishga qaror qildim”, - deydi Varin.

Shuningdek, Varin ishdan bo`shash shartlari to`g`risidagi uzil-kesil qarorni kompaniyaning kuzatuv kengashi qaror qilishini ham qo`shimcha qildi.  

Qayd etib o`tamiz, Varinga ishdan bo`shaganda beriladigan pul miqdori kasaba uyushmalari va hukumat a`zolarining tanqidiga uchragan edi.

Shu haftada “Peugeot Citroen” kompaniyasi Varinning o`rniga “Renault” kompaniyasi bosh direktorining sobiq o`rinbosari Karlos Tavares kelishini bildirdi.

    Boshqa yangiliklar