“Peugeot” раҳбарининг пенсияси Франциянинг ғазабини қўзғатди

ДУНЁ 29.11.2013, 11:29
“Peugeot” раҳбарининг пенсияси Франциянинг ғазабини қўзғатди
Истеъфога чиқаётган “PSA Peugeot Citroen” компаниясининг бош директори Филипп Варин жамоатчилик билдирган норозиликдан сўнг ишдан бўшаётганда бериладиган 21 млн евро миқдоридаги пулдан воз кечди, дея хабар беради “Reuters” агентлиги.

"Компаниямиз ходимларига бўлган катта ҳурматим ва ўзим қабул қилишим керак бўлган зарур, аммо қийин қарорларнинг оқибатлари туфайли ўзимнинг пенсия пакетимдан воз кечишга қарор қилдим”, - дейди Варин.

Шунингдек, Варин ишдан бўшаш шартлари тўғрисидаги узил-кесил қарорни компаниянинг кузатув кенгаши қарор қилишини ҳам қўшимча қилди.  

Қайд этиб ўтамиз, Варинга ишдан бўшаганда бериладиган пул миқдори касаба уюшмалари ва ҳукумат аъзоларининг танқидига учраган эди.

Шу ҳафтада “Peugeot Citroen” компанияси Вариннинг ўрнига “Renault” компанияси бош директорининг собиқ ўринбосари Карлос Таварес келишини билдирди.

Шарҳлар

Об-ҳаво: Тошкент
Валюта курси
1