"Darakchi" gazetasining "O`zbegim oshxonasiga" loyihasining qahramoni - “O`zbekiston” terma jamoasi va “Lokomotiv”ning yarim himoyachisi Server JEPAROV nafaqat Osiyoning eng yaxshi futbolchisi ekanini, balki oshxonada qo`li shirin pazanda ekanini “Palet” restoranida isbotladi. Restoran oshpazi Maqsud Sobirov italyan oshxonasini xush ko`radigan Server tayyorlagan taomni munosib baholadi...
Zarur masalliqlar:
● 250 gr. mol go`shti,
● 1 donadan qizil va ko`k bulg`or qalampiri,
● 50 gr. gulkaram, 1ta piyoz,
● 4 ta cherri pomidori,
● 4 dona shampinon qo`ziqorini,
● 4 dona gr. qo`ziqorin (veshenka),
● 40 gr. jandiq,
50 gr. brokkoli,
20 gr. soya,
● Ta`bga ko`ra tuz, murch, oregano.
Tayyorlanishi:
1-jarayon:
Mol go`shti, qizil va ko`k bulg`or qalampiri, shampinon qo`ziqorini, qo`ziqorin (veshenka), brokkolini somoncha shaklida to`g`raladi.
Cherri pomidori to`rtga bo`linadi. Gulkaram mayda qilib, jandiq o`rtacha kattalikda to`g`raladi.
2-jarayon:
Go`sht qizarguncha yog`da qovurib olinadi.
Ustiga birinchi jandiq solinib, ikki daqiqadan keyin piyozni tashlaysiz. So`ng ketma-ketlikda qo`ziqorinlar, bulg`or qalampirlari, gulkaram, brokkoli bilan qovuriladi. Ta`bga ko`ra tuz, murch, oregano va soya solishni unutmang. Masalliqlar yarim tayyor holatga kelganida ozgina bulon yoki suv solinadi.
Suyuqlik shimilib ketmasligiga e`tibor bering, sabzavotlar yarimchala pishishi bilan taomni mazali va vitaminga boy qilib turadi.
3-jarayon:
Ovqatni olovdan olishdan avval cherri pomidorini solib, bir marta aralashtiriladi, xolos.
Oddiy pomidor solishni maslaіat bermayman. Chunki ezilib, taom mazasini buzadi.
Sadoqat ALLABERGANOVA tayyorladi. Fotomuxbir: Islom RO`ZIEV
