Oila-a`zolarini har kuni turli yangicha resept bilan xushnud etishga odatlangan aktrisa, “Shuhrat” medali sohibasi Nargiza ABDULLAEVA "Darakchi" gazetasining "O`zbegim oshxonasiga" loyihasi qahramoni sifatida siz muxlislarga ajoyib salat reseptini taqdim etadi. “Palete” restorani oshpazi Fotima Qosimova aktrisaning mahoratini munosib baholadi...
Zarur masalliqlar:
- 100 gr. molning tili,
- 1 ta pomidor,
- 1 ta qizil sabzi,
- 1 ta qizil piyoz,
- 1 ta bodring,
- Yarim bog` salat bargi,
- 100 gr. mayonez.
Blinchik hamiri uchun zarur masalliqlar:
- 1 st. sut,
- 1 ta tuxum,
- 1 osh qoshiq shakar,
- Yarim choy qoshiq tuz,
- Yarim st. un,
- 70 gr. o`simlik yog`i,
- Bir chimdim yumshatgich (razrxlitel) yoki iste`mol sodasi,
- 1 ta qizil lavlagi.
Blinchikning tayyorlanishi:
1-jarayon:
1 ta tuxum ko`pirtiriladi, shakar va tuz solib eriguncha atalanadi.
Ustiga sut solib aralashtirasiz, keyin un qo`shib mikserlaysiz.
Masalliqqa yumshatgich va o`simlik yog`i quyib, aralashtirasiz. Qizil rangli blinchik pishirish uchun lavlagining suvidan ham solishni unutmang.
O`rtacha suyuqlikdagi xamir 15-20 daqiqa tindiriladi.
Va odatdagidek tovada pishirib olasiz.
Blinchiklarning o`lchami bir xil bo`lishi uchun kosa yo likopcha yordamida chetlari kesiladi.
2-jarayon:
Molning tili, bodring, piyozni somoncha shaklida, pomidor esa yarim oy shaklida to`g`raladi.
Blinchikning kesib olingan chetlari ham somoncha qilib qo`shiladi.
Keyin mayonez, tuz, murch bilan aralashtiriladi.
3-jarayon:
Uzun-uzun yupqa somoncha qilib to`g`ralgan sabzi maydalangan salat bargi, limon suvi bilan aralashtiriladi.
4-jarayon:
Tekis likopchakaga bitta blinchik qo`yib, bir xil qalinlikda salatni solasiz.
Ustiga ikkinchi blinchikni yopasiz. Keyin o`zgacha ta`m va bezak uchun sabzili aralashmani solasiz.
Sadoqat ALLABERGANOVA tayyorladi. Fotomuxbir: Islom RO`ZIEV
