Qish fasli shamollash hamda gripp mavsumi bo`lgani sababli tomog`ingiz og`rishi bilan buyraklaringizga ham e`tibor qaratishni unutmang. Bugun sahifamiz orqali buyrak xastaliklarining turlari, belgilari va uni uy sharoitida davolash usullari haqida ma`lumot beramiz...
Buyrakdagi og`riq
Tish va og`iz bo`shlig`i xastaliklari bilan ko`p og`riydigan bemorlarda buyrak kasalliklariga chalinish xavfi yuqori, deydi shifokorlar. Chunki aynan shamollash, karies va og`iz bo`shlig`i kasalliklarini qo`zg`atuvchi moddalar qon orqali «sayohat» qilib, buyraklarda «qo`nim» topishadi. Buyrak kasalliklari esa butun organizmga o`z ta`sirini o`tkazmay qolmaydi. Tanadagi suv taqsimoti buzilib, organizmda zararli moddalar yig`ila boshlaydi. Bu esa tananing zaharlanishiga olib keladi. Ayniqsa, angina asoratlari natijasida glomerulonefrit kasalligi rivojlanishi xavfi ortadi.
Ilk alomatlari
Buyrak kasalligi yosh tanlamaydi: u bilan yosh ham qari ham, shuningdek, bolalar ham og`rishi mumkin. Kasallik alomatlari avvaliga arzimagan bo`lib ko`rinadi:
- ko`p hojatga chiqish;
- beldagi og`riq;
- ba`zi hollarda tana harorati ko`tarilishi. Aynan mana shu alomatlar paydo bo`la boshlagandan kasallikka qarshi chora ko`rish darkor.
Fakt
Kishi qattiq qo`rqqanda buyraklar pastga tushib, unda g`ayriixtiyoriy peshob chiqarish holati yuz berishi mumkin. Shuningdek, surunkali buyrak kasalliklariga chalingan bemorlarda turli fobiyalar, qo`rqoqlik va yomon tushlar ko`rish kuzatiladi.
Girudoterapiya
Surunkali pielonefrit, buyrak etishmovchiligi va umuman buyrak kasalliklarida – zuluk bilan davolash tavsiya qilinadi. Zulukning so`lagi bilan birgalikda qon tarkibiga biologik aktiv moddalar tushadi. Ulardan biri girudin deb ataladi. Bu modda – qonni suyiltirish bilan birga, og`riq qoldiruvchi, yallig`lanishga qarshi bo`lib, u qonda tromblar yuzaga kelishing oldini oladi. Muolajaning bir kursi uchun 7-10 marta zuluk qo`yish maqsadga muvofiq. Bu muolajani albatta shifokor girudoterapevt amalga oshirishi lozim.
Manba: «SUG‘DIYONA» gazetasi.
06.08.2021, 17:47
CCV Matbuot xizmati buyrak etishmovchiligi qanday xastalik ekani va uni bartaraf etishda mamlakatimiz tibbiyoti nimalarga qodirligi haqida Respublika shoshilinch tibbiy yordam ilmiy markazi bo`lim rahbari,...26.12.2017, 13:12
— Uch yashar o`g`lim ovqat chaynab yutayotganida qulog`ini ushlab, og`riyotganini aytdi. Shifokorga ko`rsatsam, otit deb tashxis qo`ydi. Bu qanday kasallik? Uni uyda davolasa bo`ladimi? Nazira...26.12.2017, 13:08
— Emizikli chaqalog`im ekssudativ diatez kasalligi bilan og`rigandi. Hozir sog`aygan bo`lsa-da, ayrim taomlarni iste`mol qilganimda uning badanida qizg`ish dog`lar paydo bo`ladi. Go`dakda diatez qaytalamasligi uchun...26.12.2017, 11:36
Uzoqni ko`ra olmaslik;skolioz (umurtqa pog`onasining qiyshayishi);gastrit;ruhiy-asab tizimi buzilishlari kabilarni maktab kasalliklari sirasiga kiritish mumkin. Statistikaga ko`ra, har besh bolaning biri umurtqa pog`onasi muammolaridan qiynalsa, har...