- Tonal kremining noto`g`ri ishlatilishi
Xaddan ziyod ko`p tonal krem surtish va noto`g`ri tanlangan krem turi yuzdagi eng kichik ajinlarni ham ko`rsatib qo`yadi va yoshingizga yosh qo`shadi.
2. Pastki kipriklarni bo`yash
Pastki va yuqori kipriklarga qalin qilib tush surtish ko`zni chaqchaytirib ko`rsatib qo`yishi kamday, butun e`tiborni ko`z tagidagi mayda ajinlarga qaratadi.
3. Lab rangi
Dudoqlarni yorqin rangga bo`yashdan aslo cho`chimang, agar labingiz ingichka bo`lsa, ustidan bo`rttirib kontur surting.
4. To`q rangli tenlar
Butun qovoqqa surtilgan to`q rangli ten yoshingizni katta ko`rsatib qo`yadi. Agar yosh ko`rinishni istasangiz, to`q rangli tenni faqatgina qovoqning ikki burchagiga surting.
5. Pastki qovoqqa surtilgan suyuq qalam
Ko`zni ingicha va kichkina ko`rsatib qo`yadi. Nigohingiz go`zal bo`lishi uchun oq qalamdan foydalaning.
6. Yanoqlardagi yog`upa
To`q, yorqin rangli yog` upalarga hayr deng. E`tiboringizni och pushti, shaftoli ranglariga qarating. Ularni naq yanoqning o`ziga emas, iyakning yuqori qismi, burunga yaqin bo`lmagan joyga surting.
7. Yorqin qoshlar
Yorqin bo`yalgan qoshlar, sizni o`ziga oro bermaydigan ayol qilib ko`rsatib qo`yadi. Va albatta, yoshga yosh qo`shadi. Qoshingiz rangiday rangli qalam va tendan foydalaning.
8. Korrektor ishlatmaslik
Ko`z tagidagi to`q rangli qopchalar hammada bor, tonal kremi bunday nuqsonni berkitmaydi, aksincha yanada sezilarli qilib ko`rsatadi. Bunday vazifani korrektorga topshirganingiz ma`qul.
9. Sayqallanma kontur
Mo`ylov qo`yib olgandek ko`rinishni istamasangiz, lab chetiga kontur qalamidan chizib, so`ng uni ichkariga qarab sayqallab chiqing.
10. Qavat-qavat upa surtish.
Upa yuzda nuqsonlar kam bo`lgandagina uni berkita oladi. Agar yuzni me`yordan ortiq upalab tashlasangiz, uning o`zi yuzda nuqson paydo qiladi. Upani, shunchaki, yuzdagi yaltiroqlikni ketkazish uchungina surting.
Manba: «Sug'diyona» gazetasi
