— Men homiladorlikning 7-oyidaman. Yaqinda dopplerometriya tekshiruvidan o`tdim. Meni tekshirgan shifokor «homilang oyiga nisbatan katta», deb, parhez qilishimni maslahat berdi. Homiladorlarga qanday parhezlar tavsiya etilishi haqida ma`lumot bersangiz.
Hilola, 24 yosh, Andijon viloyatidan
Yulduz EShANOVA, oliy toifali shifokor-ginekolog: — Doppler tekshiruviga qo`shimcha tarzda o`zingiz nazoratda bo`lgan shifokorga murojaat etib, u tomonidan olib boriladigan grafidogramma bo`yicha homila muddatini va muddatiga nisbatan katta yoki kichikligini aniqlashingiz mumkin. Parhezga kelsak, uning homila katta yoki kichik bo`lishiga umuman aloqasi yo`q. Lekin homilador ayollarga 35-haftadan keyin sho`r, achchiq, qovurilgan va xamirli taomlarni iste`mol qilmaslikni maslahat beramiz. Chunki bunday taomlar homiladorlik davrida uchraydigan og`ir va asoratlarga olib keladigan kasalliklarni yuzaga keltirishi mumkin.
Manba: «SUG‘DIYONA» gazetasi.
