Bu haqda “Gazeta.uz” nashri yozmoqda. 15 dekabrdan Qirg`iziston O`zbekistonga elektr energiyasini etkazib berishni boshladi. O`zAning xabar qilishicha, dekabrdan martga qadar 550 million kVt/soat elektr energiyasini etkazib berish ko`zda tutilgan. Ayni paytgacha 3,7 million kVt/soat etkazib berilgan bo`lib, kunlik etkazib berish hajmi ortib bormoqda.
«Elektr energiyasi Qirg`iziston Milliy elektr tarmoqlari orqali etkazib berilmoqda, - xabar qildi O`zA „O`zbekenergo“ kompaniyasiga tayanib. - Bu Markaziy Osiyoda suv va energetik rejimlarning ta`minlanishi va mamlakatlarimiz taraqqiyotiga hissa qo`shadi».
