— Farzandim futbolga juda qiziqadi. Uni “Bunyodkor” futbol maktabiga qanday joylashtirishim mumkin?
Telegramm orqali berilgan savol
Bahodir Mahkamov, “Bunyodkor” futbol maktabi rahbari o`rinbosari:
— Toshkent shahrida istiqomat qiluvchilar futbolga qiziquvchan farzandlarini 6-14 yoshlarida Toshkent shahrining Chilonzor tumanida joylashgan “Bunyodkor” futbol maktabiga olib kelishlari mumkin. Maktabda akademiya ham tashkil etilgan. U viloyatlardan kelgan bolalarga moslashtirilgan. Respublikamizning turli hududlaridan kelgan o`quvchilar bu erda yotoqxona bilan ta`minlanadi. Akademiyaga har yili 25 maydan 25 avgustga qadar 12-16 yoshlilar o`rtasida o`tkaziladigan tanlovlardan o`tgan bolalar qabul qilinadi. Ammo tanlov ishtirokchilari o`z hududlaridagi futbol maktablarida ta`lim olayotgan bo`lishlari shart. Farzandingiz har yili bo`lib o`tadigan mazkur tanlovdan muvaffaqiyatli o`tsa, “Bunyodkor” akademiyasida futbol sirlarini o`rganish imkoniyatini qo`lga kiritishi mumkin.
Agar farzandingiz futbolga qiziqsa, eng avval o`z hududingizdagi futbol maktablariga bering. 12 yoshga to`lganida “Bunyodkor” futbol maktabi tomonidan o`tkaziladigan saralash tanloviga olib kelishingiz mumkin.
Bu haqda to`liq ma`lumotga ega bo`lishni istaganlar “Bunyodkor” futbol klubining 230-42-28 telefon raqamlariga murojaat etishlari mumkin.
