Yaponiyaning elektrotexnika ishlab chiqaruvchi, yirik Hitachi Ltd kompaniyasi 21 aprel kuni dunyodagi eng katta tezlikka ega liftni taqdim etdi.
Ushbu lift 72 km/soat tezligida harakat qila oladi. Yaponiyaning NHK telekanali xabar qilishicha, lift 1 dan 95 qavatga 43 soniyada ko`tarila oladi.
Bunga qadar dunyodagi eng tez lift 60,6 km/soat tezligida harakat qila oladigan Tayvan lifti hisoblanar edi. Hitachi kompaniyasi mutaxassislarining so`zlariga ko`ra, ushbu tezlikka ular kuchli dvigatel va engil troslar orqali erishishgan.
Ushbu yangi liftlar keyingi yildan Xitoyning Guanjou shahrida qo`rilayotgan balandligi 530 metr bo`lgan, 111 qavatli binoda ishlatiladi.