Xitoyda 2020 yilga borib, soatiga 400 km. tezlikda harakatlana oladigan yo`lovchi poezdi yura boshlaydi, deya yozmoqda RATA-TASS nashri.
Xitoy muhandislik fanlari akademiyasi olimlari tezyurar poezdlar yaratish ustidagi izlanishlari, barcha texnik va konstruktorlik ishlari yakuniga etgan. Endi olimlar ushbu poezdni masofadan turib signal orqali boshqarish ustida ish olib bormoqda. Poezd yurishining ilk sinovi 2020 yilga mo`ljallangan.
Xitoy olimlari haydovchisiz tezyurar yo`lovchi poezdi ustida ham ish olib borishmoqda. Bu magnit yostiqchasi ustida soatiga 600 kilometr tezlikda harakatlana oladigan yangi avlod transport vositasi bo`ladi.
