Braziliyada boshlanadigan jahon chempionatiga atab Twitter mikrobloglar tarmog`i “xeshbayroqlar” qo`shish imkonini yaratdi.
Foydalanuvchilar mamlakatni anglatuvchi uch harfli so`z (#BRA Braziliya uchun, #ESP Ispaniya uchun, #FRA Fransiya uchun) yordamida milliy bayroqni xabarga kiritish mumkin. Ushbu funksiya futbol muxlislariga jamoalarining natijalaridan xabardor bo`lishga qulaylik yaratadi.
“Xesh bayroqlar” 2010 yilda JARda bo`lib o`tgan jahon chempionati vaqtida ham joriy qilingan edi. Ammo, Twitter musobaqa yakunlangach yana ushbu funksiyani faoliyatini to`xtatgan edi. “Xeshbayroqlar” funksiyasi qaytganligi haqida birinchi bo`lib xonanda Shakira e`lon qildi.
JCh-2014 voqealari bilan #WorldCup va #WorldCup2014 xeshteglari yordamida kuzatib borish mumkin.
