Facebook ijtimoiy tarmog`i 35 daqiqa davomida ko`plab mamlakatlarda ishlamadi.
Jahondagi eng yirik ijtimoiy tarmoqlardan biri bo`lgan Facebook sayti Toshkent vaqti bilan 12:50 dan 13:25 davomida ishdan chiqdi.
Saytga kirish sahifasida foydalanuvchilarga “Kechirasiz, nosozlik yuzaga keldi. Nosozlikni sozlash ustida ish olib bormoqdamiz”, - deyilgan xabar qoldirilgan.
Sayt O`zbekiston, Rossiya, AQSh, Ukraina, Belorussiya va boshqa mamlakatlar hududida ishlamay qoldi. Hozirda tarmoq faoliyati tiklandi. Ammo, qisqa muddatli nosozlik sabablari hozircha noma`lum.