Facebook ижтимоий тармоғи 35 дақиқа давомида кўплаб мамлакатларда ишламади.
Жаҳондаги энг йирик ижтимоий тармоқлардан бири бўлган Facebook сайти Тошкент вақти билан 12:50 дан 13:25 давомида ишдан чиқди.
Сайтга кириш саҳифасида фойдаланувчиларга “Кечирасиз, носозлик юзага келди. Носозликни созлаш устида иш олиб бормоқдамиз”, - дейилган хабар қолдирилган.
Сайт Ўзбекистон, Россия, АҚШ, Украина, Белоруссия ва бошқа мамлакатлар ҳудудида ишламай қолди. Ҳозирда тармоқ фаолияти тикланди. Аммо, қисқа муддатли носозлик сабаблари ҳозирча номаълум.