“Challenger” tanlovi bo`yicha Sirtqi Jahon Kubogiga bag`ishlangan matbuot anjumanida poytaxt otchoparining taxminiy ochilish sanasi e`lon qilindi, deya xabar beradi Uz24.uz nashri.
O`zbekiston Ot sporti federasiyasi raisi o`rinbosari Rafkat Migmanovning so`zlariga ko`ra, ayni damda ot sporti musobaqalarini o`tkazish uchun mo`ljallangan maydonni qayta ta`mirlash loyihasi ustida ish olib borilmoqda. Otchopar aksiyalari Fond birjasiga, shu jumladan xorij kompaniyalari uchun ham sotuvga chiqarilgan. Toshkent otchoparining taxminiy ochilishi sanasi 2015 yilning Navro`z bayramiga rejalashtirilmoqda.