Avval xabar qilinganidek, O`zbekiston Respublikasi Prezidenti Shavkat Mirziyoev 27-28 sentyabr kunlari Tojikiston Respublikasining Dushanbe shahrida bo`ladigan Mustaqil Davlatlar Hamdo`stligi Davlat rahbarlari kengashi majlisida ishtirok etish uchun Dushanbega jo`nab ketdi.
Dushanbeda ushbu sammitga yuqori darajada tayyorgarlik ko`rilgan. Sammitda MDH mamlakatlari o`rtasida turli sohalardagi ko`p qirrali hamkorlikning joriy holati va yanada rivojlantirish istiqbollari muhokama etilishi ko`zda tutilgan.
O`zbekiston Prezidentining Dushanbega tashrifi dasturidan ikki tomonlama qator uchrashuvlar o`tkazish ham o`rin olgan.
O`zA xabariga ko`ra, ayni paytda Dushanbe ko`chalari bayramona bezatilgan, MDH mamlakatlari bayroqlari shahar ko`rkiga o`zgacha ko`rk bag`ishlamoqda.
