Ravshan Haydarov bosh murabbiyligidagi O`zbekiston U-19 yoshlar terma jamoasi Osiyo Chempionatidagi ishtirokini yakunlab Toshkentga qaytib keldi.
Eslatib o`tamiz, O`zbekiston U-19 yoshlar terma jamoasi Myanma mamlakatida bo`lib o`tayotgan U-19 yoshlar o`rtasidagi Osiyo Chempionatida yarim finalgacha etib borib, kelasi yili Yangi Zelandiyada o`tkaziladigan U-20 yoshlar o`rtasidagi Jahon chempionatiga yo`llanmani qo`lga kiritdi.
Guruh bosqichida BAA, Avstraliya va Indoneziya yoshlariga qarshi o`ynagan Haydarov shogirdlari guruh bosqichini ikkinchi o`rinda yakunlashdi va chorak finalda Tailand yoshlar terma jamoasi ustidan g`alaba qozonib yarim finalga yo`l olishgan edi. Yarim final bahsida esa O`zbekiston yoshlar terma jamoasi KXDR yoshlar terma jamoasiga mag`lubiyatga uchradi.