Majburiy ijro byurosi Sergeli tuman bo`limi ish yurituvida, Fuqarolik ishlari bo`yicha Yakkasaroy tumanlararo sudining ijro varaqalariga asosan “Elektrogaz” AJdan 9 nafar fuqaroning ish haqini undirib berdi. AJ mazkur fuqarolardan jami 41 mln. 500 ming so`m qarzdor bo`lgan.
Bu haqda MIBdagi ishonchli manbalar "Darakchi"ga ma`lum qildi.
Oylik ish haqini undirish to`g`risidagi ijro hujjatlari 2019 yilning 4 dekabr sanasida kelib tushgan bo`lib, qarzni undirish bo`yicha ish qo`zg`atilgan.
Ijro harakatlari davomida qarzdor “Elektrogaz” AJning joylashgan manziliga chiqilib qarzdorga tegishli bo`lgan «ISUZU SAZ NQR» rusumli avtomashina hatlanib, jarima maydoniga joylashtirilgan.
Olib borilgan majburiy ijro harakatlari jarayonida qarzdor “Elektrogaz” AJ tomonidan 9 nafar undiruvchilar foydasiga oylik ish haqlari to`liq undirilib berildi.