Ayni daqiqalarda AOKA huzuridagi shtabda Ichki ishlar vaziri matbuot kotibi Shohrux G`iyosov ishtirokida brifing o`tkazilmoqda.
Bugungi kunga kelib karantin qoidalariga amal qilmaslik bilan bog`liq jami – 17 668 ta holat aniqlangan, bir sutka davomida 2 700ta.
Undan tashqari 4 nafar qoidabuzarga nisbatan Jinoyat ishi qo`zg`atilgan.
Ma`muriy javobgarlikka tortilganlardan 17 109 tasi tibbiy niqob taqmasdan yurgan fuqarolarni tashkil qilgan.
149 ta holatda vaqtincha to`xtatilgan savdo va ko`ngilochar maskanlarni ishini davom ettirgan.
314 holatda karantinga olingan fuqarolar karantin hududini tashlab ketganlar.
Karantin hududi bu shifoxona va Sizning uyingiz hisoblanadi. 23 ta holatda fuqarolarimiz to`y marosimlarini yoki boshqa ta`qiqlangan yig`inlarni o`tkazganliklari uchun javobgarlikka tortilganlar.
Yo`l harakati xavfsizligi xizmati xodimlari tomonidan joriy yilning 29-31 mart kunlari Toshkent shahri hududida o`tkazilgan tadbirlar davomida jami 1 912 ta holatda haydovchilar tomonidan turli ko`rinishdagi qoidabuzarliklar sodir etilganligi aniqlangan.
Ulardan 766 tasi, aynan karantin qoidalarini buzish bilan bog`liq bo`lib, qoidabuzarlarga tegishli 545 ta avtotransport vositalari belgilangan tartibda jarima maydonchalariga joylashtirilgan.
Karantin qoidasini buzgan haydovchilarning transport vositalari jarima maydoniga joylashtirilganidan so`ng, karantin cheklovlari tugamaguncha, qaytarib berilmaydi.
