Xalqimizning sinovli kunlarida “O`zbekneftegaz" jamoasi barchamiz uchun quvonchli xabarni e`lon qildi.
Buxorodagi “Uzunshor” konida tabiiy gaz olinadigan yangi quduq ochildi. Bu haqda “O`zbekneftgaz” AJ Matbuot xizmati "Darakchi"ga xabar berdi.
Muborak neft gaz qazib chiqarish boshqarmasiga qarashli “Uzunshor” gazkondensat konidagi 12-sonli quduqda burg`ulash ishlari tugatilib, quduqga 2464-2417m intervallar oralig`ida filtr tushirildi.
Quduqni o`zlashtirish ishlaridan so`ng, kunlik 200 ming kub metr sanoat miqyosida tabiiy gaz qazib chiqarilishiga erishildi.
Ma`lumot uchun: “Uzunshor” gazkondensat koni Buxoro viloyatining Olot tumanida joylashgan bo`lib, 2019 yil noyabr oyida ishga tushirilgan.