Rossiyaning Ukrainadagi urushi va Boltiqboyi mamlakatlariga nisbatan kuchayib borayotgan tahdidlar fonida Daniya hukumatidan tarixiy qaror: endilikda mamlakatda ayollar ham yigitlar qatori majburiy harbiy xizmatga jalb etiladi.
Rasmiylarga ko‘ra, chaqiruv tanlab olinadi — agar yetarli ko‘ngilli bo‘lmasa, ayollar orasida ham lotoreya asosida xizmatga olish tartibi qo‘llaniladi. Ushbu tizim 2026 yildan to‘liq kuchga kirishi kutilmoqda.
Yangi chora-tadbirlar Daniyaning mudofaa salohiyatini mustahkamlash, NATO doirasida o‘z majburiyatlarini samarali bajarish va Rossiya agressiyasiga qarshi mintaqaviy xavfsizlikni ta’minlash maqsadida qabul qilinmoqda.
Shu bilan Daniya Shimoliy Yevropada ayollar uchun harbiy xizmatni majburiy qilgan ilk davlatlardan biriga aylanmoqda.
