Koronavirusga qarshi kurash tadbirlari doirasida O`zbekiston Respublikasi Bandlik va mehnat munosabatlari vazirligi uy xo`jaligi bekasi kasbi bo`yicha ish o`rinlari tashkil qiladi. Bu haqda vazirlikning matbuot xizmati xabar berdi.
Xususan COVID-19 infeksiyasi tarqalishining oldini olish maqsadida olib borilayotgan karantin va cheklov tadbirlarining mehnat bozori va mehnat munosabatlariga salbiy ta`sirini kamaytirish, shuningdek, yolg`iz va yordamga muhtoj aholi qatlami, qariyalar va imkoniyati cheklangan shaxslarning salomatligini asrash maqsadida Bandlik va mehnat munosabatlari vazirligi 3 oy muddatga mo`ljallangan uy xo`jaligi bekasi kasbi bo`yicha ish o`rinlarini yaratmoqda.
Bunda talabgorlar taom tayyorlashi, uy-joylarni tozalashi va qariyalar xamda nogironlarni parvarish qilishlari lozim. Kunlik ish vaqti 4-5 soat, ish haqi eng kam hisoblash bazasining 4 baravari miqdorini tashkil etadi.
Maoshlar bank plastik kartalariga o`tkazib beriladi.
Asosiy talablar qarovchi ilgari sudlanmagan bo`lishi lozim.
Yosh chegarasi: 25–55 yosh.
Rus tilini bilish nomzodlarga ustunlik beradi.