Jahon banki o`zining Evropa va Markaziy Osiyo mintaqasi uchun prognozlarini yangiladi.
Demak, O`zbekistonda 2020 yil iqtisodiy o`sish surati keskin pasayib, yillik hisobda 1,6%ni tashkil etishi kutilmoqda. Iqtisodiy pasayishga, birinchi navbatda, tashqi savdoning va virusni tarqalishini oldini olish bilan bog`liq bo`lgan ichki bozordagi holatning yomonlashuvi ta`sir etadi.
Yana e`tiborga molik raqamlardan - davlat byudjeti defisiti YaIMga nisbatan 5,6%ga etishi, migrantlar pul oqimlari hajmi ham 50%dan ko`proqqa pasayishi kutilmoqda. Natijada, to`lov balansi yomonlashib, joriy hisoblar bo`yicha defisit YaIMning 8,5%ni tashkil etadi.
Umidimiz esa, oltin va oziq-ovqat mahsulotlariga bo`lgan talab yuqori bo`ladi va shu orqali negativ ta`sirlarni biroz yumshatish imkoniga ega bo`lamiz.