Toshkent shahridagi Muhammad al-Xorazmiy nomidagi maktabning 5-sinf o`quvchisi Kamronbek Tolbaev Scratch dasturida “Elektron lug`at” tarjima dasturini yaratdi. Bu haqda ixtisoslashtirilgan maktabning feysbukdagi sahifasida videoxabar qoldirildi. Bu haqda Zamon.uz ma`lum qildi.
Unda aytilishicha, ushbu dastur ingliz tilidagi so`zlarni rus tiliga va aksincha, rus tilidagi so`zlarni ingliz tiliga tarjima qiladi. Dasturning yana bir e`tiborli jihati, tarjima qilinayotgan so`zlar va tarjima qilingan so`zlarning talaffuzini foydalanuvchilar eshita oladi.
“Elektron lug`at”ning qanday ishlashi haqida Kamronbekning o`zi video orqali tushuntirib bergan:
Ma`lumot uchun, O`zbekiston Respublikasi Axborot texnologiyalari va kommunikasiyalarini rivojlantirish vazirligi tasarrufidagi Muhammad al-Xorazmiy nomidagi axborot-kommunikasiya texnologiyalari yo`nalishiga oid fanlarni chuqurlashtirib o`qitishga ixtisoslashtirilgan maktab Prezidentning 2017 yil 14 sentyabrdagi qarori asosida tashkil etilgan.
