O`zbekistonda koronavirus infeksiyasiga chalinib davolanayotgan o`rta ahvoldagi har bemor uchun 32 million so`mdan mablag` sarf qilinmoqda. Og`ir ahvoldagi, jonlantirish bo`limida yotgan har bir bemorlarga o`rtacha 64 million so`mdan mablag` sarflanmoqda. Bu haqda Sog`liqni saqlash vaziri Alisher Shadmanov ma`lum qildi.
Vazirning aytishicha, karantinda bo`lib turgan fuqarolarning har biri uchun 14 kunlik karantinda davri uchun 2,4 million so`mdan, koronavirusdan tuzalib, reabilitasiyaga olingan har bir bemor tiklanishi uchun 2,8 million so`mdan sarflanmoqda.
