Shu yil mart oyida Farg`ona viloyat IIB Patrul-post xizmati uchun 6 ta zamonaviy skuterlar olib kelingani haqida avval xabar bergan edik, deb yozmoqda fviv.uz.
O`tgan bir oydan ziyod vaqt davomida skuterlar xizmatni samarali tashkil etish va xodimlar tezkorligini oshirishda o`zining ijobiy tomonlarini yaqqol ko`rsatdi.
Yangi texnikalarning ijobiy jihatlari IIB rahbariyati tomonidan inobatga olinib, viloyatga yana 20 ta zamonaviy skuterlar olib kelindi.
Hozirda skuterlarning texnik imkoniyatlarini o`rganish bo`yicha xodimlar ishtirokida o`quv mashg`ulotlari tashkil etilib, ularning amaliy ko`nikmalari shakllantirilmoqda.
Ushbu zamonaviy texnikalar Farg`ona, Qo`qon va Marg`ilon shaharlari hududlarida jamoat tartibini saqlash, fuqarolar osoyishtaligini ta`minlash hamda huquqbuzarlik va jinoyatlarni oldini olish maqsadida motopatrul yo`nalishlarida xizmatga jalb etiladi.