«Tibbiyot xodimlari duch keladigan qiyinchiliklarni hisobga olib, men ularga kichik sovg`a berish orqali minnatdorchilik bildirishga qaror qildim. Mening topshirig`imga binoan respublikaning beshta qayta qurilgan tibbiyot muassasalari shifokorlari va hamshiralariga meva savatlari va gullar eltib berildi. ”, - deb yozdi Qodirov» o`zining VKontaktedagi sahifasida.
U shifokorlarga minnatdorlik bildirib, rasmiylar ularga zarur yordam ko`rsatilishini va bu respublika rahbariyatining ustuvor vazifalaridan biri ekanligini aytdi.
Avvalroq himoya qiluvchi kostyum kiygan Qodirov Grozniydagi 4 sonli kasalxonaga borib, u erda koronavirus yuqtirib olgan bemorlar ham bilan ko`rishgan edi. Video:
Ayni paytda Ramzan Qodirovning o`zida ham koronavirus infeksiyasi aniqlangan. U samolyotda Moskva shahrining klinikalaridan biriga olib kelingan. Checheniston rahbarining ahvoli og`irligi aytilmoqda, uning o`pkasi jiddiy zararlangan.
U Urus-Martan tumani rahbari Valid Abdurashidovni ko`rgani koronavirusli bemorlar davolanayotgan kasalxonaga borganida bemor bilan quchoqlashib ko`rishgan, bu haqdagi video ham saytlarda berilgan. O`shanda u himoya kostyumini pala-partish kiygan. O`zin ehtiyot qilmagan.
Shifokorlar Checheniston rahbari kasallakni o`shanda yuqtirib olganini taxmin qilishmoqda. Tashrifdan bir hafta o`tib, Ramzanning tobi qochib, o`zini yomon his qilgan va buni ORVIga yo`yib, ishini davom ettiravergan. Hozirgi kunda Moskvaning eng kuchli virusolog shifokorlari Ramzan Qodirovning hayoti uchun kurashmoqda.
Bu voqea xavfli virus bilan hazillashib bo`lmasligini, u shohni ham gadoni ham, kuchlini ham zaifni ham ayab o`tirmasligini yana bir bor isbotladi. Shunday ekan, o`zingiz va yaqinlaringizning salomatligini o`ylang, gigienaga amal qiling. Karantin shartlariga jiddiy rioya eting.
