«Тиббиёт ходимлари дуч келадиган қийинчиликларни ҳисобга олиб, мен уларга кичик совға бериш орқали миннатдорчилик билдиришга қарор қилдим. Менинг топшириғимга биноан республиканинг бешта қайта қурилган тиббиёт муассасалари шифокорлари ва ҳамшираларига мева саватлари ва гуллар элтиб берилди. ”, - деб ёзди Қодиров» ўзининг ВКонтактедаги саҳифасида.
У шифокорларга миннатдорлик билдириб, расмийлар уларга зарур ёрдам кўрсатилишини ва бу республика раҳбариятининг устувор вазифаларидан бири эканлигини айтди.
Аввалроқ Рамзан Қодиров ҳимоя костюми кийиб, Грознийдаги 4 сонли касалхонадаги коронавирус юқтирган беморларни кўришга борган эди. Видео:
Айни пайтда Рамзан Қодировнинг ўзида ҳам коронавирус инфекцияси аниқланган. У самолётда Москва шаҳрининг клиникаларидан бирига олиб келинган. Чеченистон раҳбарининг ўпкаси жиддий зарарлангани, аҳволи оғирлиги айтилмоқда.
Юқоридаги видеода Чеченистон президенти Урус-Мартан тумани раҳбари Валид Абдурашидовни кўргани касалхонага борганида бемор билан қучоқлашиб кўришгани акс этган. Бу ҳақдаги видео қатор сайтларда берилган. Ўшанда у ҳимоя костюмини пала-партиш кийган. Ўзини эҳтиёт қилмаган.
Шифокорлар Чеченистон раҳбари касалликни ўшанда юқтириб олганини тахмин қилишмоқда. Ташрифдан бир ҳафта ўтиб, Рамзаннинг тоби қочиб, ўзини ёмон ҳис қилган ва буни ОРВИга йўйиб, ишини давом эттираверган. Ҳозирги кунда Москванинг энг кучли вирусолог шифокорлари Рамзан Қодировнинг ҳаёти учун курашмоқда.
Бу воқеа хавфли вирус билан ҳазиллашиб бўлмаслигини, у шоҳни ҳам гадони ҳам, кучлини ҳам, заифни ҳам аяб ўтирмаслигини яна бир бор исботлади. Шундай экан, ўзингиз ва яқинларингизнинг саломатлигини ўйланг, гигиенага амал қилинг. Карантин шартларини буза кўрманг. Сабр қилсак бу кунлар ҳам ўтиб кетади.
