Armaniston Bosh vaziri Nikol Pashinyan koronaviursga chalindi. Bu haqda u o`zining ijtimoiy tarmoqdagi sahifasida yozib qoldirgan, deya xabar qilmoqda ru.euronews.com sayti.
"Men xastalikning hech qanday belgisini sezmadim, shunday bo`lsada, test topshirishga qaror qildim. Mening tahlilim musbat chiqdi", deya yozib qoldirgan bosh vazir.
Shuningdek, uning ma`lum qilishicha, kasallik Pashinyanning oila a`zolariga ham yuqqan.
«Stolga stakanlarni tarqatib chiqayotgan ofisiant qo`lqop kiymagandi. Men shunga e`tibor berdim va idishlarni almashtirishni so`radim. Menimcha, u avval ham shunday harakat qilgan. Bir necha kun o`tgach, o`sha yigit koronavirusga chalingani tasdiqlandi», — deya, o`z taxminlarini bayon qilgan hukumat rahbari.
Ma`lumot uchun: kecha, 1 iyun kuni Nikol Pashinyan 45 yoshga to`ldi.