Bugun ijtimoiy tarmoqlarda Toshkentda katta yong`in bo`layotgani haqida video paydo bo`ldi.
Unda, "ertalabdan poytaxtning qaerida katta yog`in bo`ldi, musaffo osmonimiz tutunga to`libdi" deya izoh berilgan.
Ayni paytda Toshkent shahar FVB ushbu yong`in bo`yicha batafsil ma`lumot berdi.
Aniqlanishicha, bugun, 4 iyun kuni soat 04:12 da Poytaxtimizning Yashnobod tumani, Parkent ko`chasi 327-uyda joylashgan “Karvon Yo`li” xususiy korxonasiga qarashli bitum eritish basseynida yong`in kelib chiqqan. Yong`in natijasida 600 kv.m maydonda eritma saqich (bitum) yongan. Yong`in-qutqaruv jangovar bo`linmalari manzilga soat 04:22 da etib borgan va ko`rilgan tezkor choralar natijasida yong`in soat 06:05da to`liq bartaraf etilgan. Yong`in joyiga 7 ta yong`in-qutqaruv texnikasi jalb qilingan.
Yong`in sabablari va yong`indan keltirilgan moddiy zarar miqdori aniqlanmoqda.
Shu munosabat bilan, Toshkent shahar Favqulodda vaziyatlar boshqarmasi sizlardan yong`in xavfsizligi qoidalariga xushyor bo`lishingizni so`rab qoladi.