Freedom House интернет эркинлиги рейтингини эълон қилди. Ўзбекистон нечинчи ўринда?

Freedom House интернет эркинлигига оид анъанавий йиллик ҳисоботини эълон қилди. Унда Ўзбекистон 100 баллдан 27 балл тўплаб, 65 давлат ичидан 57-ўринда қайд этилган.

Тадқиқотчилар интернетдаги эркинликка таҳдидларни 9 хил тоифага бўлишган. 2019-йил июнидан 2020 йил майигача ушбу 9 хил тоифа инцидентларнинг барчаси кузатилган давлатлар 2та: Хитой ва Ўзбекистон.

Ҳисоботда қамраб олинган 65 та давлатда дунёдаги интернет фойдаланувчиларининг 87 фоизи яшайди. Рейтингни 95 балл билан Исландия бошқариб турибди. Сўнгги ўринда – 6 йилдан бери Хитой (10 балл).