Сирдарё вилоят ҳудудида электр энергиясига ноқонуний уланган аҳоли ва тадбиркорлик субъектларини аниқлаш ва қонуний чора кўриш юзасидан рейдлар ташкил этилмоқда. Хусусан, жорий йил январь ойи давомида 92 та электр энергияси истемолчисининг электр узатиш тармоқларига ноқонуний уланиб фойдаланаётганлиги аниқланди. Бу ҳақда «Сирдарё ҲЭТК» АЖ матбуот хизмати хабар берди.
Хабарда айтилишича, “Сирдарё ҲЭТК” АЖ ва тегишли ташкилотлар мутахассислари ҳамкорлигида ўтказилган текширувлар натижасида 465 минг 113 кВт/с ёки 185 млн 209 минг сўм миқдоридаги зарар етказилгани аниқланди.
