Бош прокуратура ҳузуридаги Департаментнинг Вобкент туман бўлими томонидан ўтказилган тезкор тадбирда, “Ермулккадастр” давлат корхонаси Вобкент туман филиали “Бир ойна” бўлими бошлиғи Ж.Г. фуқаро Р. томонидан “E-IJRO AUKSION” электрон онлайн-аукцион орқали сотиб олган 2,6 сотих ер майдонига ҳужжатларни расмийлаштириб бериш эвазига 300 АҚШ доллар сўраб, шундан 100 АҚШ долларини фирибгарлик йўли билан олган вақтда ашёвий далиллар билан ушланган. Бу ҳақда Прокуратура Департаменти хабар берди.
Маълум қилинишича, мазкур ҳолат юзасидан Ж.Г.га нисбатан Жиноят кодексининг 168-моддаси (фирибгарлик) билан жиноят иши қўзғатилиб, терговга ҳаракатлари ўтказилмоқда.
