Аввалроқ, ЎзЭОАВМА томонидан “Вакцина – саломатлик ва чекловларсиз ҳаёт” мавзусидаги Очиқ мулоқот ўз ишини бошлагани ҳақида хабар берган эдик.
Очиқ мулоқотда Соғлиқни сақлаш вазирининг биринчи ўринбосари Амрилло Иноятов Ўзбекистонда қўланилаётган вакциналар ҳақида гапирди.
"COVID–19 га чалинган ҳамда уй шароитида даволанаётган беморларнинг оила аъзолари билан касаллик занжирини узиш мақсадида, маҳалла тиббий бригадаси шифокори томонидан тайинланадиган COVID–19 дорилари давлат томонидан бепул таъминланади. Бунда қутидаги дорилар айнан шифокор томонидан тайинланади ва беморлар доимий назоратда бўлади. Бунда ўзбошимчалик билан иш тутиш ярамайди. Касалликнинг биринчи босқичида, МСКТ, рентген, антибиотик ҳамда иммуномодуляторлардан фойдаланиш зарур эмас. Ушбу чоралар касалликни даволаш протоколида ҳам қайд этилган.
Бугун Ўзбекистонда 13 турдаги касалликка қарши оммавий эмланади. Бу вакциналарни олмаслик ўлимга олиб келиши мумкин. Бу вакциналар қачон, қайси давлат томонидан яратилган, қанчалик эффект беради, деган саволлар берилмайди. Лекин коронавирусга қарши ягона чора бўлиб турган вакциналар ҳақида турли асоссиз миш-мишларга одамларнинг ишониб қолаётгани тушунарсиз ҳолат",–деди вазирнинг биринчи ўринбосари.
