Тошкентда 28.000.000 эвазига фуқарога авиачипта олиб беришни ваъда қилган шахс ушланди. Бу ҳақда пойтахт ИИБ хабар берди.
Қайд этилишича, 5-октябрь куни тахминан соат 11.00 да 31 ёшли Журат М. 31 ёшли Меҳригиё Б.га Туркияга арзон нархда чипта олиб беришини ваъда қилган.
Бунинг учун у аёлдан 28.000.000 сўм олиб, пулларни ўз эҳтиёжига сарфлаб юборган. Мазкур факт асосида Ўзбекистон Республикаси Жиноят кодексининг 168-моддаси ("Фирибгарлик") бўйича жиноят иши қўзғатилган.
"Ҳурматли фуқаролар! Ҳаддан ташқари ишонувчан бўлманг. Авиачипталарни фақатгина расмий вакиилардан харид қилинг",–дейилади ИИБ хабарида.
