Фарғонада бошқасига нақд пул ўтказиб беришини айтиб, унинг картасидан пул ечиб олган шахс аниқланди. Бу ҳақда вилоят ИИБ маълумот берди.
Хабарда айтилишича, 2021 йилнинг 9-декабрь куни З.Б ИИБга мурожаат қилиб, унда шу куни номаълум шахс ишончига кириб, уни ҳисоб рақамига пул ўтказиб берса унга нақд пул беришини айтиб, ўзининг ҳисоб рақамига 1.800.000 сўм пулларни ўтказиб олиб, берган ваъдасини бажармасдан алдов йўли билан пулни қўлга киритганлигини билдирган.
Мазкур ҳолат юзасидан Фарғона шаҳар ИИО ФМБ ҳузуридаги тергов бўлими томонидан Жиноят кодексининг 168-моддаси 1-қисми (фирибгарлик) билан жинояти иши қўзғатилган.
Олиб борилган тезкор қидирув ҳаракатлари давомида ушбу жиноятни Н.С содир этганлиги аниқланиб, тергов ҳаракатлари давом этмоқда
